NADOMAN FIQIH ( Bahasa Sunda – part 5 )

SABABNA TAYAMUM

Syarat tayamum kabehna                  Aya sapuluh lobana

Taneuh anu kahijina                           Kadua beuresih taneuhna

Ulah musta’mal taneuhna                 Ieu syarat katiluna

Kaopatna taneuh asli                         Ulah kacampuran aci

Ari anu kalimana                                Ngamaksud kana taneuhna

Yen kudu mindahkeunnana              Taneuh kana anggotana

Kageunepna kudu ngusap                 Beungeut jeung leungeun diusap

Taneuhna walatra ceukap                 Urang kudu beunang insaf

Ari anu katujuhna                               Kudu miceunan najisna

Tina kabeh anggotana                        Dina memeh tayamumna

Syarat nu kadalapanna                       Urang tah kudu titena

Sing nyaho kana kiblatna                    Dina memeh tayamumna

Anu kasalapan kudu                            Tayamumna manjing waktu

Shalat fardu anu tangtu                      Sing ngarti carana kitu

Kasapuluh panutupna                         Kudu tayamumna insan

Pikeun saban kafarduan                     Safardu satayamuman

FARDUNA TAYAMUM

Ari farduna tayamum                         Aya lima nu geus ma’lum

Ari anu kahijina                                   Eta mindahkeun taneuhna

Nomer kadua disebat                         Niat ngamenangken shalat

Ngusap beunget katiluna                   Ari anu kaopatna

Ngusap leungeun neupi kana            Sikuna nu duanana

Jeung ari nu kalimana                         Kudu tartibna ngusapna

Nu dua bilangannana                         Ngusap beunget jeung leungeuna

PEMBATALAN TAYAMUM

Batal tayamum ku tilu                        Ku naon batalna wudu

Dina tayamum ge kitu                        Sing ngarti ulah balilu

Ieu anu kahijina                                   Ari anu kaduana

Kusabab murtad gawena                   Tekad atawa ucapna

Tilu nyangka aya cai                           Mun tayamumna geus pasti

Nyaeta seupina cai                             Mun tayamumna geus seupi

Nyaeta seupina cai                             He nu tayamum sing ngarti

Read More

NADOMAN FIQIH ( Bahasa Sunda – part 4 )

HARAM KA ISTRI ANU KEUR HAID

Haram kanu hed lobana                     Aya sapuluh jumlahna

Kahiji haram sholatna                         Haram towap kaduana

Nyabak qur`an katiluna                      Kaopat haram mawana

Ari anu kalimana                                 Dimasjid haram cicingna

Rejeng haram maca qur`an               Jeng puasa dijauhan

Ditolak  oge larangan                         Jadi jumlahna dalapan

Anu nomer  salapanna                       Nu hed haram ngaliwatan

Kajero masjid mun sieun                   Eta masjid kagetihan

Ari  nu kasapuluhna                           Dialap suka istrina

Nu aya diantarana                              Bujalna rejeng tuurna

HARAM KAJALMA NU JUNUB

Kanu junub diharamken                     Genep rupa pek regepken

Sholat anu kahijina                             Towap anu kaduana

Katiluna nyabak qur`an                       Kaopatna mawa qur`an

Haram cicing dimasjidna                    eu anu kalimana

Kagenepna maca qur`an                    Maca ayat tina qur`an

Mun maksudna maca qur`an            Sami ieu ge larangan

PARDU WUDHU

Pardu wudhu aya geuneup                  Kanyahoken sing sareugep

Hiji niat dina ati                                      Urang kudu ati-ati

Kaduana ngumbah beunguet              Tihandapna semet angkeut

Dibarengan jeung niatna                     Tah kitu prak-prakannana

Ngumbah leunguen jeung sikuna       Ieu anu katiluna

Atawa kira-kirana                                  Lamun teu aya sikuna

Jeung wajib ngumbah kabehna          Tina bulu jeung liana

Jeung kudu aya leuwihna                    Ngumbah siku kaluhurna

Ngusap sirah kaopatna                        Ngumbah suku kalimana

Tartib anu kagenepna                          Ya’ni perele hartina.

SYARAT WUDHU

Syarat wudhu lobana                          Aya sapuluh warnana

Islam anu kahijina                               Tamyiz hideng kaduana

Ari anu katiluna                                   Bersih tina hed nifasna

Opat taya hahalangna                        Cai kanu dikumbahana

Cara Leuget jeung bangsana             Ari anu kalimana

Teu aya dianggotana                           Nungarobahken caina

Ari anu kagenepna                              Nyaho kana kaparduanana

Teugesna pardu wuduna                    Anu geunep sakabehna

Ari syarat ka tujuhna                           Ulah nekadken nu pardu

Kana pardu jadi sunat                         Keudah di omat-omat

Syarat wudu kadalapan                      Cai kade  kasalahan

Kudu bersih dipake sah                       Kade wudhu tah salah

Kasalapan manjinga waktu                 Kasapuluh mualatu

Ari anu wudhu kitu                              Keur nu langgeung hadas tangtu

LARANGAN KEUR NU BATAL WUDHU

Haram kanu batal wudu                     Opat perkara nu tangtu

Kahijina haram sholat                         Sanajan sholatna sunat

Kaduana haram towaf                         Katiluna nyabak mushaf

Kaopatna mawa mushaf                     Urang wayahna sing insaf

PEMBATALAN WUDHU

Opat perkara lobana                          Nu matak batal wuduna

Ari anu kahijina                                   Aya nu bijil buktina

Tina qubul jeung duburna                Anging atawa liana

Di lalaki awewena                              Sami teu aya bedana

Anging mun mani bijilna                   Teu matak batal wuduna

Ari anu kaduana                                 Jalma anu ilang akalna

Ku sare reujeung liana                       Cara edan seupeurtina

Anging nu diuk sarena                       Sarta neuteupken biritna

Ari anu katiluna                                  Paantel dua kulitna 

Lalakina awewena                              Anu geude duanana

Jeung nu sejen duanana                   Jaba jeung mahram antelna

Kaopat nyabak qubulna                    Atawa nyabak duburna

MANDI WAJIB

Ari anu ngawajibkeun                         Kana mandi pek hartikeun

Aya geuneup ditangtukeun               Bari teurus laksanakeun

Ari anu kahijina                                   Ku jima jadi sababna

Bijil mani kaduana                              Jeung bijil haid katiluna

Nifas anu kaopatna                            Ngajuru nu kalimana

Maot anu kageunepna                      Kajaba maot syahidna

FARDUNA MANDI

Farduna mandi tah dua                      Istri pameuget sarua

Nomer kahijina niat                            Ngilangkeun tina jinabat

Atawa tiana haidna                             Atawa tina nifasna

Ku cai bersih mandina                        Walatra kabeh badana

Sakabeh dohirna badan                     Sarta kabeh lilipitan

Tong aya nu diliwatan                         Mugi sing jadi emutan

Read More

NADOMAN FIQIH ( Bahasa Sunda – part 3 )

SYARAT SUSUCI KU BATU

Syarat susuci ku batu                                       Dalapan anu geus tangtu

Hiji kudu tilu batu                                             Hiji batu tilu juru

Dipakena hiji-hiji                                               Juru tilu hiji-hiji

Jeung kudu bersih temptna                            Syarat anu kaduana

Tegesna tempat najisna                                   Kudu peper sabersihna

Syarat anu katiluna                                           Yen ulah garing najisna

Syarat anu kaopatna                                        Teu menang pindah najisna

Rejeung ulah kakenaan                                   Eta najis kunu lian

Mangka lamun kakenaan                                Kucai kudu bersihan

Eta anu kalimana                                              Ari anu kagenepna

Ulah ngaliwat najisna                                      Kana gigireun duburna

Jeng teu menang ngaliwatan                         Kana hasapahna insan

Tujuh ulah kakenaan                                       Ku cai anu ngabasehan

Sabab lamun kajadian                                     Batu henteu ngabersihan

Ari anu kadalapan                                            Batu kudu kabuktian

Nu suci tur ngalaanan                                     Kana najis nu ngabersihan

LOBANA HADAST

Hadast teh dua rupana                       Hadast leutik kahijina

Hadast gede kaduana                         Tong lali salalamina

Hadast leutik ngawajibken                 Kana wudhu ditangtuken

Hadast gede ngawajibken                  Kana mandi ditangtuken

TANDA BALIGH HAID JENG  NIFAS

Baligh teh tilu tandana                       Hiji sampurna umurna

Geus limabelas taun umurna             Dilalaki awewena

Dua ngimpi sacompana                      Kitu jalma biasana

Lalakina awewena                               Osok ngimpi sacompana

Dimana geus sampurna                      Salapan taun umurna

Kaluar hed katiluna                             Khusus pikeun awewena

Ukuran hed saeutikna                         Sapoe rejeung peutingna

Jeng genep poe golibna                      Tawa tujuh biasana

Lima belas poe kade                            jeung petingna sami bae

Seueurna hed diawewe                      Kanyahoken hei awewe

Ari suci saeutikna                                Antara hed duanana

Tina peugat jeng datangna                Sok limabelas poena

Jeng golibh suci awewe                      Duapuluh opat poe

Tawa sucina awewe                            Duapuluh lima poe

Sareng teu aya patokan                      Kana lobana ukuran

Ukuran suci kalawan                           Geus rempug anu matokan

Ari saeutikna nifas                              Sagejrotan ulah reuwas

Jeng ari golibhna nifas                       Opat puluh poe jelas

Jeng ari nifas lobana                           Sok genep puluh poena

Tapi mun aya leuwihna                      Getih panyakit ngarana

Read More

NADOMAN FIQIH ( Bahasa Sunda - part 2 )

 BABAGIAN CAI

                         

Cai nurutken aturan                             Kabagi dua bagian

Cai saeutik ukuran                                Dua qulah kakurangan

Anu kurang dua kulah                          Sok mutanajis teu salah

Kutumibana najasah                            Sanajan henteu barobah

Makena cai saeutik                              Kudu saeutik-saeutik

Dikucurkeun disiukan                          Seuperti dina padasan

Jeung ari nusabagian                           Cai nuloba ukuran

Kana najis ngabereusihan                   Sanajan ku diancloman

Anging dimana barobah                      Rasa rupa ambeu robah

Najan aya dua qulah                            Mutanajis heunteu salah

BABAGIAN NAJIS

Hukum najis tilu warna                       Nya ieu hiji-hijina

Mugolodoh mukhofafah                     Katilu mutawasitoh

Mugolodoh mah najisna                     Najis anjing jeung bagongna

Jeung kabeh anak-anakna                  Kabeh wajib diseurtuna

Dikumbahna tujuh kali                        Make taneuh nusakali

Kade masing taliti                                Sing apik kade lali

Mukhofafa ditaliti                                Cikiih budak lalaki

Anu  umurna can nepi                        Kana dua taun bukti

Sarta lalaki ayana                                Lain awewe budakna

Can naon bae daharna                       Wungkul ci susu daharna

Mukhofafah mah beursihna              Kudikocorkeun caina

Teu matak beurat ngumbahna          Sing leungit deui jentulna

Eh ari mutawasitoh                             Lain najis mugolodoh

Lain najis Mukhofafah                        Tapi najis tengah-tengah

Kabehna dua bagian                           Duanana ditataan

Kahijina aeniyah                                  Nukaduana hukmiyah

Aeniyah mah najisna                          Najis nu aya rupana

Jeung anu aya ambeuna                     Reujeung nu aya rasana

Iue najis beureusihna                          Nurutkeun aturanana

Kudu dileungitkeunana                       Rupa ambeu jeung rasana

Jeung ari najis hukmiyah                    Nu teu aya rupa malah

Ambeu jeung rasa ijalah                     Ieu ulah matak susah

Ieu najis beureusihna                          Geus cukup dina ngumbahna

Kungucurkeun cai kana                       Teumpat najis hukmiyahna.

WARNANA CAI

Cai aya tujuh warna                            Sah dipake bebersihna

Cai hujan kahijiana                             Hujan buah kaduana

Cai ibun nu katilu                                Kaopatna cai nyusu

Pek ku urang pake wudu                    Sing paham ulah balilu

Cai sumur kalimana                            Cibangawan kalimana

Cai luat katujuhna                               Ku kabeh beursih najisna

NAJIS NU JADI SUCI

Najis anu jadi suci                               Aya tilu nu geus pasti

Arak anu kahijina                                Jadi cuka ku dirina

Kulit bangke kaduana                         Mun disamak sabeursihna

Eta ge suci hukumna                           Meunang mun urang makena

Katiluna Panganggeusan                    Anu jadi dina hewan

Lir bilatung sok sanajan                      Tina Mugolodoh pisan

Read More

NADOMAN FIQIH ( Bahasa Sunda - part 1 )

RUKUN ISLAM

Rukun islam sadayana                        Aya lima kamashurna

Sahadatain kahijina                            Shalat anu kaduana

Zakat anu katiluna                              Saum romadon ka opatna

Munggah haji kalimana                     Kudu dilakonanana

Lamun geus boga beukelna               Reujeung aman dijalana

Nuwajibna ngan sakali                       Sunat nukadua kali

RUKUN IMAN

Aya genep rukun iman                        Mangga ku urang tatan

Nomer hahijina iman                          Ka Allah nu mangeranan

Jeung iman ka malaikat                      Kana kitab teu kaliwat

Jueng ka rosul ulah lepat                    Jadi jumlahna tah opat

Ari anu kalimana                                  Iman kapoe akhirna

Teugesna percaya kana                       bakal aya qiyamahna

Anua ka geunepna iman                     Kana kabeh papastena

Alus jeung goring lakonan                  Sami ti Allah Qodiron

Read More