HEUREUY SANTRI ( Bahasa sunda - part 2 )

HEUREUY SANTRI ( pembatalan wudhu )

Ramdan     : Assalamu’alaikum

Dendi          : wa’assalamu’alaikum

Ramdan     : Den,,Ari apal keneh  teu talaran hadis nu minggu kamari

Dendi          : Apal atuh….. kieu geura : “Man tarok kalafana, wa faruduhu ala cipatina”

Ramdan     : Naon hartina teh den ?

Dendi          : sing saha jalma narok kalapa ,terus diparud pasti rek diala cipatina…

Ramdan      : aaah ngaco ente ma,,nu bender ma kieu “Afdolu dahri wasafatul bakri, waja’at kulubuhum wal bakru   pataaya..

Dendi          : naon hartina teh dan ?

Ramdan     : pang apdol-apdolna dahar nyaeta sareng beuleum sepat, kulub ja’at jeung beuleum peuteuy

Dendi          : Aaah sarua ngaco ieu mah..

Ramdan     : eeehh urang katen zenal yu..urang nanyakeun pelajaran fikih kamari,,

Dendi          : ohhnya,,kan kamari urang duaan teu ngaos ?

Ramdan     : Hayu atuh

Dendi          : hayu……

Ramdan/Dendi : Assalamu’alaikum

Zaenal         : Wa’alaikum salam,,eh geuning dendi sareung Ramdan, aya naon meni asa rareuwas, mangga atuh       kaleubeut.

Dendi          : ah silaturahmi weh,,ameh kabarokahan ku faedahna

Ramdan     : muhun,sakanteunan urang ngagosip…gossip, digosok makin sip..

Zaenal         : eeeh teu kengeng ngagosip,,eta teh kaleubeut padamelan dosa.

Dendi          : muhun dosa,,sepertos meledos teu karasa

Ramdan     : kieu Zen,,abi duaan kadieu teh bade naroskeun peurkawis pelajaran fikih kamari

Zaenal         : naha kamari kamarana kitu teu ngaraos ?

Dendi          : kamari abi teh kaseurang flu sareung panas tiris,,margi basa uih sakola        kahujanan,,,haciiih_haciiiih

Ramdan     : pami abi ma,,kamari te nyeuri waos,,tah geuning ieu ge bareuh keneh..

Zaenal         : oh kitu,,,kumaha ayeuna karaosna

Dendi          : Al-Hamdulillah ntos rada rerep

Ramdan     : Muhun sami abi oge

Zaenal         : pada intina ma pa ustad teh nerangken kieu :

                      Ari nu ngabatalken kana wudhu eta aya 4 perkara :

1.       aya nu kaluar tina salah sahiji palawangan,,kubul atawa dubur

2.       leungit akal kusabab sare atawa anu liana, kecuali sare anu netepken pangdiukana dina bumi.

3.       Paantel kulit lalaki jeung awewe, pada geude duanana,lain muhrim duanana kalawan tanpa hahalang

4.       Nyabak kubul bangsa adam ku dampal leungen atawa ramo

Dendi          : ooh kitu,,keee tapi abi kirang ngartos nomer ka 3,ari paantel kulit batal duanan atawa salah sahijina

Zaenal         : batal duanana

Ramdan     : pami nomer ka 4, tentang nyagap kubul

Zaenal         : pami eta mah batal anu nyagapna hungkul

Dendi          : nuhun nya Zenal tos diterangken deui,,jadi abi teu tinggalen pelajaran

                      Duh ieu te sanes kurang sono,,tapi abi teh teu acan ibak

Zaenal         : naha atuh, paingan ti tadi te asa rada huak-heok,,jadol teh bau kelek ente geuning…

Ramdan     : aduh-aduuuuh

Zaenal         : kunaon dan bangun anu kanyeurian

Ramdan     : ieu waos karaos nyeri,,mangga atuh abi bade lalandong hela ka pa mantri

Zaenal         : Nya sok atuh

                      Wassalamu’alaikum wr wb

 

Read More

HEUREUY SANTRI ( Bahasa Sunda - part - 1 )

HEUREUY SANTRI ( fardu wudhu )

Doni       : Al-hamdulillah,ari babareungan jeung ustad mah kabagean barokahna,padahal kuring mah ngan saukur santri anu can bisa nanaon

Angga   : muhun,muhun can bisa nanaon,muhun

Wandi   : tah geuning ieu buktina,make menang besek sagala tinu syukuran. Apanan aya paribasa, sing saha jalma nu babarengan jeung tukang minyak seungit bakal kabawa seungit,jeung sing saha jalma anu babareungan jeung tukang lebu pasti bakal ngilu kakebulan.

Angga   : muhun, muhun kakebulan

Doni       : Muhun, muhun weh titatadi teh,tai kotok rasana coklat

Angga   : Muhun, tai kotok rasa coklat

Wandi   : ehhh kalah tuturut munding wae,tai ucing rasana haseum

Angga   : Muhun tai ucing rasana haseum

Doni       :Ya Allah, ya Karim kalah hareurey wae nya. Cik ah Doni arek naya perkara nu di terangkeun ku pa ustad kamari. Cikan Angga apal keneh teu?

Angga   : apal atuh, anggaaaaaaaaa,kieu geura :

Walayangtakila walayajifa idadubigo walamyablug minal aspali

Doni       : naon hartina eta teh ngga?

Angga   :  walayangtakila : Jeung ulah tungkal-tangkel, walayajifa : kana mobil jip, ida dubigo : dimana digubag-gabig, walamyablug : maka bakal tigedeblug, minal aspali : kana aspal

Wandi   : ah et mah lain pelajaran kamari atuh,tapi panyarek pa ustad supaya ulah nangkel kana mobil nu keur maju,bisi     cilaka.

Angga   : muhun, muhun bisi cilaka

Wandi   : cik ari Doni apal teu ?

Doni       : apal atuh, Doniiiiii, kieu geura :

Waljaeru ida gorimi wakucipa fahuwa ni’matun

Angga   : naon harinateh don?

Doni       : Waljaeru : jeung ari lauk mujaer, idagorimi : dimana-mana digoreng, wakucipa : teurus dikecapan, fahuwa ni’matun : maka tangtu eta ni’mat kacida

Wandi   : ahh saruana ngaco ieu mah,tadi mobil jip ayeuna goreng lauk jaer nu dikecapan.dasaaar dasaaar,

da kamari mah pa ustad teh nerangkeun perkara parduna wudu,cikan angga apal keneh teu ?

Angga   : ohhhh inget ayena mah, kieu gera :

Ari pardu wudhu eta ya 6 perkara :

1. niat
2. ngumbah raray
3. ngumbah panangan duanana sarta sikuna
4. ngusap sirah anu leutik

Wandi   : ehh salah atuh, lain ngusap sirah nu leutik tapi ngusap sirah saeutik. Makana ari ngaji teh ulah bari ngalamun, komo bari hokcai mah

Doni       : cik wandi kumaha atuh anu benderna :

Wandi   : kieu gera :

Ari pardu wudhu eta ya 6 perkara :

1. niat
2. ngumbah raray
3. ngumbah 2 panangan sarta sikuna
4. ngusap sirah saeutik
5. ngumbah 2 suku sarta mumuncangana
6. tartib.

Doni       : ohhhh kitu,pinteur oge geuning akang wandi teh?

Wandi   : wandiiiii,sapa dulu dong gurunya?

Angga   : tah tah aya sora adzan, hayu ah urang sholat berjama’ah yu?

Wandi   :  hayu atuh,didieu weh,Doni imamna, angga nu komatna

ahhh besekna simpen di hareup bisi aya nu maok ………………….( Shalat berjama’ah ) …

Angga   : ete ewes eye kedel kene keje

Wandi   : teng ngemeng,betel

Doni       : untung urang mah teu ngomong

Wandi/angga : eta ngomoooooooooong

Doni       : ah titadi teh kalah hareureuy wae, urang jeung pa ustad weh shalat berjama’ahna di masjid.

Wandi/angga : hayuuuuuuuuu.

wassalam 

Read More

NADOMAN FIQIH ( bahasa sunda - part 8 )

BAB PUASA 

Wajib ka urang puasa                         Di bulan romadon biasa

Pameuget istri dipaksa                       Mun kuat jeung geus dewasa

Lima perkara sababna                        Hiji kusabab sampurna

Tilupuluh bulan sa’ban                      Pek geura saum isukna

Kadua sabab ninggali                          Tanggal romadon di hak jalmi

Najan fasik eta jalmi                           Anu ninggal tanggal hiji

Tilu kusabab teuteupna                     Tanggal dihakna sijalma

Nu teu ninggali tanggalna                  Ngan adil saksiannana

Ka opat ku pang bejaan                      Jalma adil cariosan

Tur geude kapercayaan                      Puasana kawajiban

Omat mun nyangka benerna             Atawa nyangka salahna

Tawa nu teu kaperaya                         Ngan dina hate mah aya

Ari anu kalimana                                 Ku nyangka asup romadona

Teugesna tangggal romadona           Kalawan ati-atina

SYARAT SYAH SAUM

Saum pardu sareng sunat                  Syarat sahna aya opat

Islam anu kahijina                               Boga akal kaduana

Kudu suci tina hedna                          Tina nifas katiluna

Kaopatna nyaho kana                         Poe nu sah puasana

SYARAT WAJIB SAUM

Syarat wajib puasana                          Aya lima sadayana

Islam anu kahijina                               Geus baleg nu kaduana

Tilu kuat puasana                                Kaopat sehat badana

Ari anu kaliamana                               Cicing dilembur jalmana

RUKUN SAUM

Saum tah tilu rukuna                           Niat anu kahijina

Ti peuting manah sing tenang            Kade niat tibeurang

Dina fardu lain sunat                            Dina sunat meunang niat

Tibeurang tong leutik fakir                  Dina samemehna lingsir

Kadua kudu ninggalkeun                     Tinu matak ngabatalkeun

Ari anu katiluna                                     Jalma anu puasana

WAJIB KIFARAT JEUNG QODO

Kifarat qodo ta’jiran                             Aturan sareung geuningan

Ulah dianggap lumayan                      Sumawona heuheureyan

Anu kieu tah wajibna                          Ka jalma islam khususna

Anu ngabatalkeun kana                      Puasa bulan romdona

Tur ngabatalkeun saumna                  Seuperti anu sampurna

Ku jima anu sampurna                        Eta tetela dosana

WAJIB NGEUKER SARTA QODO

Wajib ngeuker sarta qodo                  Diana geunep kade poho

Atawa urang teu nyaho                      Kahijina pek arilo

Jalma batal puasana                           Anu ngahaja batalna

Dina bulan romadona                        Jeung lain dina liana

Kaduana tinggal niat                          Ulah lalawora omat

Di bulan romadon tipeuting              Ieu tah perkara penting

Jalma saur repeh-repeh                     Nyangkana tah peuting keneh

Pek tetela kamanehna                        Sulaya sangkaannana

Kaopat jalma nu buka                         Bari kana surup nyangka       

Tur padahal mah sulaya                     Atuh hanjakal nu aya

Lima mun nyata pisan                         Ka jalama dina poean

Tilupuluh bulan sa’ban                        Eta tah geus bulan romadon

Kageunep mun mileupasna                Cai moharakennana

Moharaken kekemuna                        Atawa ngingsrep caina

BATALNA SAUM

Batal puasa ku hedna                          Ku nifasna ngajuruna

Ku murtadna jeung edana                  Najan sakeudeung edana

Kusakalor reujeung weureu                Nu dihaja-haja weureu

Tikawit bijil fajarna                              Neupi kasurup poena

HUKUMNA BUKA DINA ROMADON

Hukum buka dina romadon                Opat rupa nu kadongdon

Nyaeta nu wajib kawas                       Istri nu hed reujeung nifas

Jalma anu nyanyabaan                       Jalma gearing lemah badan

Nu kieu menang bukana                     Sarta mere kagampangan

Buka teu wajib teu wenang                Cara jalma anu kurang

Anu edan otak malang                        Henteu sak jeung henteu mangang

Aya buka diharamkeun                       Cara jalma nu ngahirkeun

Kana qodo ngagampangkeun             Ibadah sok diheureuyken

Neupi karupet waktuna                      Waktu keur ngodoanana

Tur ker aya dilemburna                      Cicing sarta jeung cageurna

BABAGIAN BUKA

Buka dina bulan romadon                   Dibagi opat bagian

Ari anu kahijina                                     Wajib qodo jeung fidyahna

Tah kieu keur manusa                          Anu bukana puasa

Karana sieun doreksa                           Ka lian dirina asa

Jeung anu batal saumna                      Tur teu kaburu qodona

Neupi ka nyorang romadona              Romdon nu datang ayeuna

Sarta tah manehna cicing                   Oge cageur henteu gearing

Tapi eta mah estu pisan                      Ku ngedul kade sing eling

Dua anu wajib qodo                             Ngan hentue wajib fidyahna 

Seuperti batal saumna                        Jalma anu sakalorna

Katilu nu wajib fidyah                          Henteu wajib qodo mah

Cara aki-aki payah                               Tanagana enggeus lemah

Ari anu ka opatna                                 Anu teu wajib qodona

Jeung teu wajib fidyahna                    Cara jalma anu edan

TEU BATAL  PUASA

Henteu batal puasana                        Sabab aya nu asupna

Kana jero beuteungna                        Kulantaran pohona

Atawa sabab bodona                          Kitu deui kapaksana

Reujeung ku neureuy ciduhna           Sabab aya perkarana

Nunapel dina huntuna                        Tur apes nyiduhkenana

Reujeng asup kekebulan                     Asup kana liliangan

Reujeung kateurey lareurna              Nyakitu deui bangsana

Anu hiber asup kana                           Baham jalma nu saumna

PANAMBAH

Sakieu nadoman fiqih                         Bab haji tangtu kapanggih

Kunu ngamaksud jiarah                      Ka makah Al-mukaromah

Nu penting kanggo tambahan           Bacaan apal-apalan

Dibumi dimadrasahna                        Tah ieu wincikanana.

"diterjemaahkan dari kitab Durusul Fiqih"
Wallohu 'alam.

Read More

NADOMAN FIQIH ( bahasa sunda - part 7 )

NGURUS MAYIT

Wajb kifayah hukumna                        Mayit islam diurusna

Ngadusan reujueng mungkusna         Nyalatan reujeung nguburna

Saeutik ngawalatraan                           Cai beursih kana badan

Ari anu sampurna mah                        Anu gorengna dikumbahan

Qubul dubur liang irung                      Nu ngadusan ulah ngirung

Kokotoran dipiceunan                         Ulah arek diliwatan

Samemeh urang ngadusan                 Ku urang mayit wuduan

Badan mayit dikosokan                       Make sidir boh nu lian

Jeung judu ngocorkeun cai                 Ka mayit pameuget istri

Dikocorkeun tilu kali                           Kade sing ati-ati

Jeung ari dina mungkusna                  Nu pang saeutik-eutikna

Eta ku pakeannana                             Asal nutupan badana

Ari mungkus nu sampurna                Lamun lalaki mayitna

Ku tilu lapis lobana                             Teu kudu aya tambahna

Lamun mayitna awewe                      Mungkusna dihade-hade

Aya lima pek pigawe                          Ulah sok baringung bae

Baju kurung reujeung tudung           Bianyu pek pake bungkus

Jeung dua lapis pek itung                  Dina mungkusna pek sing alus

RUKUN SHALAT MAYIT

Rukun sholatuljinajah                         Aya tujuh hiji niat

Bari nyinghareup ka kiblat                 Kadua takbirna opat

Tilu nangtung lamun bisa                   Opat fatihah lamun bisa

Lima maca shalawat                           Ba’da takbir nu kadua

Ari anu ka geuneupna                        Maca do’a keureumitna

Ba’da takbir katiluna                          Maca salam katujuhna

NGUBUR MAYIT

Ngubur mayit saeutikna                      Asal nutupan ambeuna

Jeung ngajaga mayit tina                     Sasatoan nu galakna

Ngubur mayit nusampurna                 Kira satangtung jeurona

Sareung sabeber leungeuna               Tah kitu aturanana

Jeung pipi mayit diteundeun              Dina taneuh dianteulkeun

Jeung anu di sangigirkeun                   Ulah rek ditangkarakkeun

Malah wajib nyangharepan                Ka kiblat ulah nukangkeun

Duh mayit maneh geuningan             Di jeuro kubur nyorangan

Read More

NADOMAN FIQIH ( bahasa sunda - part 6 )

RUKUN SHALAT

Rukun shalat sadayana                       Tujuh beulas kahijina

Niat shalat ulah leupat                        Kanyahokeun sing careupat

Takbirotul ihrom dua                          Tilu nangtung lamum bisa

Dina keur shalat parduna                   Mun sunat bisa diukna

Kaopat maca fatihah                           Nukalima ruku malah

Kageuneupna tumaninah                   Dina ruku ulah salah

I’tidal nukatujuhna                              Ari nu kadalapanna

Nyaeta tumaninahna                          Urang dina I’tidalna

Sujud anu kasalapan                           Sujudna dua balikan

Kasapuluh tumanianah                       Dina sujud sing merenah

Ari nu kasabelasna                              Nyaeta kudu diukana

Antara sujud duana                             Bari pek baca du’ana

Jeung nu kaduabelasna                      Tumaninah na diukna

Jeung nu katilubelasna                       Tahiyat akhir macana

Ari kaopat belasna                               Diuk tahiyat akhirna

Ari kalima belasna                               Kudu maca sholawatna

Macana ba’da syahadat                     Na tahiyat akhir omat

Geunep belas maca salam                 Pek lakonan ulah hamham

Ari katujuh belasna                             Kudu tartib narukuna

Rukun bangsa pagawean                   Atawa bangsa bacaan

SYARAT SYAH SHALAT

Syarat syah shalat dalapan                           Hiji kudu bersih pisan

Tina hadas duanana                                       Kudu beursih kaduana

Tina najisna badana                                       Jeung dina pakeannana

Jeung dina tempat shalatna                         Tong gagabah sing ingetna

Ari anu katiluna                                               Kudu nutupan oratna

Ari anu kaopatna                                            Kana kiblat nyanghareupna

Lima kudu manjing waktu                             Shalat fardu nu geus tangtu

Ari anu kageunepna                                       Nyaho kana kafarduanana

Tujuh syarat sahna shalat                              Urang tong nekadkeun sunat

Tina kafarduan shalat                                     Kade ulah laleupat

Ari anu kadalapan                                            Urang kudu ngajauhan

Tina sakur pambatalan                                   Masing ati-ati pisan

UDZURNA SHALAT

Aya dua udur shalat                            Kusabab ieu teu leupat

Teu dosa ngahirken shalat                  Kanyahokeun omat-omat

Sareng anu kahijina                             Nyata dimana sarena

Timemeh manjing waktuna               Nyaeta waktu shalatna

Poho anu kaduana                              Lain kusabab ngaduna

Atawa maen gawena                          Nukitu teuteup dosana

PAMBATALAN SHALAT

Ari anu ngabatalkeun                                     Kana shalat dijumlahkeun

Opat belas pek apalkeun                               Ieu Rek dipertelakeun

Kahiji kusabab hadas                                      Shalatna batal sing awas

Ari nomer kaduana                                         Katibanan ku najisna

Katilu kabuka orat                                           Orat keur nalika shalat

Mun teu ditutupan geuwat                           Shalatna batal teu leupat

Ari anu kaopatna                                             Ngomong nalika shalatna

Mere harti ku ngomongna                             Sanajan hiji harapna

Ari anu kalimana                                              Migawe tur ngahajana

Kana nu sok ngabatalkeun                             Kana saum dihajana

Dahar loba kageunepna                                 Tur poho dina daharna

Atawa teu nyaho kana                                   Haram dahar keur shalatna

Katujuh usik-usikan                                        Lobana tilu usikan

Bari tuluy-tuluy najan                                     Usikna tah kapohoan

Kadalapan luncat tarik                                    Bari sanajan sabalik

Kasalapan neunggel tarik                              Kade urang sing apik

Nu kasapuluh nambahan                              Rukun bangsa pagawean

Bari ngahaja nambahan                                 Karana ulin-ulinan

Ari nu kasebelasna                                          Miheulaan ka imamna

Ku dua rukun lobana                                      Pagawean duanana

Nyakitu mun mandeuriken                           Ti imam ku dua rukun

Anu bangsa pagawean                                  Sarta tina paudzuran

Nu kaduabelas niat                                         Kana megatkena shalat

Katilubelasna umat                                         Ngagantung megatken shalat

Ari kaopatbelasna                                           Mun urang mandeg mayongna

Dina megatkeun shalatna                              Kukitu batal shalatna

ANGGOTA SUJUD

Anggota sujud jumlahna                     Aya tujuh perkarana

Tarang jeung dampal leungena         Reujeung tuur duanana

Nyakitu dampal ramona                     Ramo suku duanana

Ieu tah wajib antelna                          Dina nalika sujudna

SABAB SUJUD SAHWI

Ari sabab sujud sahwi                         Aya  opat eungges pasti

Kahiji tinggal sawareh                        Tina ab’ad shalatna tah

Dua sabab migawena                         Sarta poho migawena

Kanu batal ngahajna                           Jeung teu batal pohona

Katilu mindahkeun rukun                   Rukun nu bangsa ucapan

Pindahna tah kana lian                       Teumpatna eta ucapan

Opat nibakeun rukuna                        Bangsa pagaweannana

Sarta ihtimal tambahna                      Cara mang-mang raka’atna

AB’ADNA SHALAT

Sakabeh ab’adna shalat                      Aya tujuh heunteu leupat

Hiji tahiyyat awal                                 Diuk tahiyyat awalna

Ieu mah nukaduana                            Ari anu katiluna

Maca halawat ka nabi                         Na tahiyyat awal tadi

Ari anu ka opatna                               Tambah kakulawargi

Dina tahiyyat akhirna                         Ulah diliwat macana

Kunut anu kalimana                           Kageuneup nangtung kunutna

Dina rakaat akhirna                            Sapeurti shalat subuhna

Katujuh maca shalawat                      Shalawat kanabi terhurmat               

Kulawargi sareung sohabat               Dina nukunutna nu shalat

WAKTU SHALAT

Shalat fardu lima waktu                      Ari dzuhur waktu tangtu

Panon poe eunggeus ngeser              Tina tengah-tengah poe

Malah akhirna jadina                           Kalangkang tina misilna

Tur eta lain leuwihna                           Kalangkang teungah poena

Ari asyar mimitina                               Lamun geus aya mimitina

Tina jadi kalangkangna                       Perkara tina misilna

Akhirna waktu asyar teh                     Lamun surup panon poe

Malah awal maghrib oge                   Ti surupna panon poe

Jeung waktu maghrib akhirna            Surup mega anu beureum

Ari isya mah awalna                            Ti surup mega beureum

Akhir isya nggeus sidik                        Kunu a’lim diseulidik

Mun geus bijil fajar syidik                   Kade masing arapik

Jeung ari subuh awalna                      Ti bijil fajar syidikna

Ari subuh teh akhirna                         Geus bijil panon poena

Mega teh tilu lobana                          Beureum,koneng,jeung bodasna

Beureum ciri maghribna                    Koneng,bodas mah ciri isyana

Jeung sunat akhirkeun awas              Kana shalat isya luas

Neupi ka surpna jelas                         Mega koneng jeung nu bodas

SYARAT MA’MUM

Ari ma’mum teh syaratna                  Aya sabeulas jumlahna

Ari anu kahjina                                    Ulah nyaho si ma’mum

Ka imam batal shalatna                      Kusabab hadas imamna

Ari syarat ka duana                             Jeung ulah nekadkeun kana

Wajib ngodoan shalatna                    Nyaeta shalat imamna

Ka tilu jeung ka opatna                      Ulah bukti nyele imamna

Anu ma’mum kaliana                         Tur ulah bodo imamna

Lima ulah katukangan                         Imam sing jadi patokan

Geuneup kudu nyaho ma’mum        Kana pundah-pindah imam

Tujuh kudu kumpul sami                    Imam jeung ma’mum ngahiji

Atawa kumpulna imam                      Jeung ma’mum urang sing paham

Aya tilu ratus siku                                Had takrina teh aya sakitu

Ka dalapan kudu niat                          Jadi ma’mum omat-omat

Salapan akur carana                           ma’mum,imam na shalatna

Jeung teu meunang nyulayaan         Dina eta pasunatan

Anu kurang nyulayaan                        Dina eta pasunatan

Ieu anu kasapuluh                               Kasabeulas mah geus puguh

Ma’mum nurut ka imamna               Teu syah lamun sulayana

  

GAMBARAN MA’MUM

Sakabeh gambaran ma’mum             Aya salapan geus umum

Dina lima menang ma’mum              Opat mah teu heunteu sah ma’mum

Nu sah ma’mum ditaliti                      Eta ma’mumna lalaki

Ka bangsa lalaki deui                          Awewe jeung wandu oge

Ari ma’mumna awe                            Ka wandu pek menang bae

Jeung sah ma’mumna awewe           Ka awewe deui hade

Kade batal ma’mumna                       Dina opat sing ingetna

Teu sah ma’mumna lalaki                  Ka istri najan nu ngarti

Lalaki ka wandu oge                           Malah wandu ka awewe

Wandu ma’mum ka bangsana          Tah kitu babarannana

Read More